21.05.2026 | 18:28
Մեկնարկել է գրեփլինգի, պանկրատիոնի և սիրողական MMA-ի Եվրոպայի առաջնության տոմսերի վաճառքը
Աբու Դաբիի թագաժառանգն ԱՄՆ-ին առաջարկել է Ինջիրլիքի ռազմաբազան Թուրքիայից տեղափոխել իր երկիր
Քաղաքականություն
22.09.2020 | 21:03
Աբու Դաբիի թագաժառանգ, Արաբական Միացյալ Էմիրությունների (ԱՄԷ) զինված ուժերի գլխավոր հրամանատարի տեղակալ շեյխ Մոհամմեդ բին Զայեդ Ալ Նահյան ԱՄՆ-ին առաջարկել է Թուրքիայի Ադանա նահանգի Ինջիրլիքի շրջանում տեղակայված ռազմաբազան տեղափոխել ԱՄԷ. գրում է ermenihaber-ը:
Ըստ թուրքական լրատվամիջոցների՝ թագաժառանգն այդ քայլին է դիմել Թուրքիայի հետ ունեցած հակասությունների, հատկապես Լիբիայի ճգնաժամում ունեցած հակառակ դիրքավորման պատճառով:
Հաղորդվում է, որ առաջարկությունն արդեն ուղարկվել է Պենտագոն:
Նշենք, որ Ինջիրլիքի ռազմական ավիաբազան օգտագործվում է ԱՄՆ-ի և Թուրքիայի ռազմաօդային ուժերի կողմից։ Ավիաբազան գտնվում է Ադանա քաղաքից 8կմ հեռավորության վրա: Այն հանդիսանում է Եվրոպայում ԱՄՆ-ի և ՆԱՏՕ-ի արևելյան ռազմակայանը:
