16.12.2025 | 14:35
ԿԳՄՍ նախարարի տեղակալը Ճամբարակում մասնակցել է «Վորքաութ» մարզահրապարակի բացմանը
Առանց ՀՀԿ-ի գործուն մասնակցության՝ դժվար է Հայաստանում լրջագույն քաղաքական պրոցես պատկերացնել․ Աշոտյանը՝ հանրահավաքի մասին. ՏԵՍԱՆՅՈՒԹ
Հասարակություն
22.09.2020 | 17:16
Հանրապետական կուսակցությունն աշխատանքային հարաբերություններ է պահպանել, ստեղծել և զարգացրել այսօրվա ընդդիմադիր դաշտի գրեթե բոլոր հիմնական դերակատարների հետ։ Այսօր հրավիրված ասուլիսում այս մասին ասաց ՀՀԿ փոխնախագահ Արմեն Աշոտյանը։
«Այդ հարաբերություններն աշխատանքային են, դրանք թույլ են տալիս եզրակացնելու, որ չի բացառվում ընդհանուր եզրերի ստեղծումը տարբեր քաղաքական ուժերի հետ»,- հավելեց նա։
Անդրադառնալով ԲՀԿ, ՀՅԴ և «Հայրենիք» կուսակցությունների՝ այսօր ազդարարած հանրահավաքին, Աշոտյանը նշեց, որ այդ հավաքի մասին տեղեկությունը ստացել են, բայց կուսակցությունում դեռ չեն քննարկել մասնակցել-չմասնակցելու հարցը։
«Վստահաբար ձեզ ասում եմ՝ առանց Հանրապետական կուսակցության գործուն մասնակցության դժվար է լինելու Հայաստանում պատկերացնել լրջագույն քաղաքական պրոցես, որը կբերի իշխանափոխության: Եթե կստացվի որևէ ուժի մոտ դա անել առանց ՀՀԿ-ի, ես կարող եմ ոտքի կանգնել ու ծափահարել իրենց»,- ասաց Արմեն Աշոտյանը:
Մանրամասները՝ տեսանյութում։
