01.07.2026 | 12:45
Պարոն Քոչարյանի պատճառով տապալվեց նախագիծը. Հայկ Սարգսյան․ ՏԵՍԱՆՅՈՒԹ
Ոստիկանությունը 3 քաղաքացու տուն է մտել՝ խուզարկության․ Շիրակ Բունիաթյանը՝ Ամուլսարի իրավիճակի մասին. ՏԵՍԱՆՅՈՒԹ
Հասարակություն
22.09.2020 | 12:42
Բնապահպանական ակտիվիստ Շիրակ Բունիաթյանը տեղեկացնում է, որ Ամուլսարի հետ կապված կտրուկ իրադարձություններ են տեղի ունենում։
«Մի երկու-երեք օր առաջ ինձ ու Ջերմուկի շատ քաղաքացիների հրավիրել են Ոստիկանության Ջերմուկի բաժին։ Այնտեղ կար Քննչական կոմիտեին ուղղված թուղթ, որին ծանոթացել եմ։ Ասվում էր, որ ինչ-որ վերջին օրերին Գնդեվազ գյուղում տեղի ունեցած միջադեպի հետ կապված հանդիսանում եմ մասնակից, ու հրավիրում էին ինձ դատաբժշկի։ Այնտեղ նշված էր 258-րդ հոդվածի 4-րդ մաս՝ խուլիգանություն զենքի գործադրմամբ և այլն։ Ես քանի որ տեղեկություն չունեի՝ ինչ միջադեպի մասին է խոսքը, հետևաբար՝ չունեմ մասնակցություն, գրավոր հրաժարվել եմ դատաբժշկի փորձաքննության ենթարկվելուց»,- ֆեյսբուքյան ուղիղ եթերում նշեց ակտիվիստը։
Շիրակ Բունիաթյանը նաև տեղեկացրեց, որ այսօր ոստիկանական մեծ ուժեր են բերվել Ամուլսար, իսկ մարզային ոստիկանությունն էլ երեք քաղաքացու տներ է մտել։
«Կատարել են խուզարկություն, ինչքան գիտեմ՝ մինչև հիմա էլ կատարվում է խուզարկություն։ Այդ երեք քաղաքացուն բերման են ենթարկել, տարել են Եղեգնաձոր, այնտեղից տարել են Երևան»,- ասաց Շիրակ Բունիաթյանը։
Մանրամասները՝ տեսանյութում։
