24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Պետք է ճիշտ փաթեթավորել, որ սխալ ընկալում չլինի․ Սոսի Թաթիկյանը՝ «աշխարհազոր» եզրույթի մասին. ՏԵՍԱՆՅՈՒԹ
Քաղաքականություն
11.09.2020 | 11:55
«Հայկական աշխարհազոր. պաշտպանություն, անվտանգություն և մարդու իրավունքներ» թեմայով այսօր կազմակերպված ընթացքում հանրային կառավարման մասնագետ Սոսի Թաթիկյանը ներկայացրեց իր դիտարկումները «աշխարհազոր» եզրույթի վերաբերյալ:
«ՊՆ աշխարհազորի առաջարկած մոդելի համաձայն՝ քաղաքացիական հասարակությունը պետք է պատրաստ լինի հնարավոր լայնամասշտաբ պատերազմի՝ տիրապետի զենքին, իմանա ուղղությունները և այլն: «Աշխարհազոր» բառը անգլերեն թարգմանված բառացի նշանակում է «օժանդակ ուժ». այդ մոդելը աշխարհի շատ երկրներում կա, սակայն համաձայն եմ ՀՀ պաշտպանության փոխնախարարի հետ, որ իրենք որոշակի մոդել չեն վերցրել: Շվեյցարական մոդելը այլ բան է, այն ռեզերվ է՝ պահեստազոր: Պահեստազորում մինչև 50-55 տարեկաններ են, իսկ աշխարհազորը նաև ավելի մեծ տարիքի մարդկանց է վերաբերում… Եթե 55-70 տարեկան մարդիկ ի վիճակի են նպաստել հայրենիքի պաշտպանությանը և ունեն որոշակի ռազմական պատրաստվածություն ու փորձ, կարող են աշխարհազորի մաս կազմել»,- նշեց Սոսի Թաթիկյանը։
Նա հավելեց, որ հնարավոր է՝ նախկին զինվորական կանայք էլ, անհրաժեշտության դեպքում, ցանկություն հայտնեն մասնակցել հայրենիքի պաշտպանությանը:
Սոսի Թաթիկյանի կարծիքով՝ «աշխարհազոր» եզրույթը մի քիչ շփոթեցնող է: Ասում է՝ իրականում քաղաքացիական պաշտպանության մասին է խոսքը, և պետք է ճիշտ «փաթեթավորել», որ սխալ ընկալում չլինի, այդ թվում՝ միջազգային հանրության կողմից:
Մանրամասները՝ տեսանյութում:
