07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Մարտի 1-ի գործով տուժողները պետք է վկայի կարգավիճակ ունենան․ Ալումյանը պարզաբանեց՝ ինչու. ՏԵՍԱՆՅՈՒԹ
09.09.2020 | 12:59
«Այս գործը, որ քննվում է դատարանում, չի վերաբերում ո՛չ սպանություններին, ո՛չ մարմնական վնասվածքներին, և ո՛չ էլ գույքային վնասին։ Այս հիմնավորումներով մենք միջնորդել էինք, որ դադարեցվի տուժողների իրավահաջորդների ու նրանց ներկայացուցիչների մասնակցությունը այս դատական գործին այդ կարգավիճակով»,- այս մասին լրագրողների հետ հանդիպմանը հայտարարեց ՀՀ երկրորդ նախագահ, Մարտի 1-ի գործով ամբաստանյալ Ռոբերտ Քոչարյանի փաստաբան Հայկ Ալումյանը՝ անդրադառնալով իր միջնորդության քննարկմանը։
Ալումյանն առաջարկել էր, որ տուժողի իրավահաջորդները, նրանց ներկայացուցիչները սահմանադրական կարգի ենթադրյալ տապալման գործով հանդես գան վկայի կարգավիճակով:
Փաստաբանն ընդգծեց, որ Մարտի 1-ի սպանությունների ու մարմնական վնասվածքների վերաբերյալ գործը քննվում է Հատուկ քննչական ծառայությունում, և հենց այդ գործով պետք է տուժողները ներկայացնեն իրենց պահանջները ու ունենան տուժողի իրավահաջորդի կարգավիճակը։
«Պետք է բոլորս հույս ունենանք, որ այդ գործով կբացահայտվեն սպանություն կատարած անձինք, նրանց հրահանգ տված անձինք, մարդկանց մարմնական վնասվածք պատճառած անձինք։ Բայց ոչ այս գործով, քանի որ, կրկնեմ, այս գործը չի քննում ո՛չ սպանությունները, ո՛չ մարմնական վնասվածքներ ստանալու դեպքերը»,- ասաց նա։
Մանրամասները՝ տեսանյութում:
