03.08.2026 | 10:25
Ամերիկացի գիտնական Նասիմ Թալեբը հայտարարել է,որ հրաժարվել է Ադրբեջան հրավերից՝ Ռուբեն Վարդանյանի բանտարկության պատճառով
Ամեն օր բանակցում ենք. ռուսներն ու վրացիները չեն թողնում, որ մարդ մտնի իրենց երկիր. Ալեն Սիմոնյան
Քաղաքականություն
04.09.2020 | 17:38
Վրաստանում հոկտեմբերի 31-ին համապետական ընտրություններ են անցկացվելու։ Մինչև դա չանցնի, իրենք չեն բացելու սահմանը: Այս մասին այսօր ԱԺ դարպասների դիմաց Ռուսաստան մեկնել ցանկացող ՀՀ քաղաքացիների բողոքի ակցիայի մասնակիցներին ասաց ԱԺ փոխնախագահ Ալեն Սիմոնյանը:
Նրա խոսքով, եթե Վրաստանը մեկ տուրիստ ընդունի կամ թույլ տա, որ մեկն իր տարածքով անցնի Ռուսաստան, իրենք խնդիրներ կունենան, որովհետեւ այդ մարդը պետք է այդ անցնելու ընթացքում լվացարան գնա, հաց ուտի, շփվի այլ մարդկանց հետ:
Ինչ վերաբերում է օդային ճանապարհով ՌԴ մեկնելուն, Ալեն Սիմոնյանն ասաց. «Օդային ճանապարհով էլ Ռուսաստանն ասում է՝ մեզ մոտ համաճարակ է, և եթե նույնիսկ Հայաստանից մարդկանց ընդունեցի, մյուսներին ո՞նց եմ ասելու, որ չեմ ընդունում: Չհավատաք, եթե մեկը գա, ձեզ ասի՝ հեսա այդ հարցը լուծելու է: Մենք ամեն օր այդ հարցով բանակցում ենք, փորձում ենք չվերթները վերականգնել: Ոչ միայն ձեզ համար, այլ որ մարդիկ գան, առևտուր անեն, փող մտնի երկիր: Հյուրանոցները դատարկ են: Ռուսներն ու վրացիները չեն թողնում, որ մարդ ներս մտնի իրենց երկիր»:
Մերի Մարտիրոսյան
