15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՊՍԺ-ի երեք ֆուտբոլիստ վարակվել է կորոնավիրուսով․ նրանց թվում է Նեյմարը
02.09.2020 | 20:51
Ֆրանսիական ՊՍԺ-ի մի քանի ֆուտբոլիստ, այդ թվում և թիմի առաջատարներից մեկը` Նեյմարը, վարակվել են կորոնավիրուսով:
«Արմենպրես»-ի հաղորդմամբ` այս մասին գրում է L’Equipe-ը: Ըստ պարբերականի, փարիզյանի թիմի ֆուտբոլիստներն արձակուրդից վերադարձից հետո Covid-19-ի թեստ են հանձնել: Հարձակվող Նեյմարի, կիսապաշտպաններ Անխել դի Մարիայի և Լեանդրո Պարեդեսի թեստերի պատասխանները դրական են եղել:
Ավելի վաղ հայտնի էր դարձել, որ Նեյմարը չի հեռանա ֆրանսիական ՊՍԺ-ից առնվազն մեկ մրցաշրջան ևս: «Ես մնում եմ ՊՍԺ-ում հաջորդ մրցաշրջանում ևս: Ուզում եմ նորից հասնել Չեմպիոնների լիգայի եզրափակիչ և այս անգամ հաղթել այնտեղ: Հույս ունեմ, որ ՊՍԺ-ն կշարունակի աճել և կհասնի մեծ նպատակների»,- հայտարարել է Նեյմարը:
