03.08.2026 | 11:35
Վահան Բիչախչյանն առաջին արդյունավետ գործողությունն է կատարել նոր մրցաշրջանում. ՏԵՍԱՆՅՈՒԹ
TikTok-ի սեփականատերերը դատի կտան Թրամփի վարչակազմին
Քաղաքականություն
23.08.2020 | 16:08
TikTok կարճ վիդեոհոլովակների ստեղծման օնլայն հավելվածի սեփականատերը հայտնել է, որ չեն պատրաստվում համաձայնել ԱՄՆ նախագահի որոշման հետ՝ փաստացի արգելելու TikTok-ի օգտագործումը նահանգներում։ Չինական ընկերությունը պատրաստվում է դատի տալ Թրամփի վարչակազմին, գրում է CNN-ը։
«Օրենքի գերակայությունը, ընկերության և նրա օգտատերերի նկատմամբ արդարացի վերաբերմունքը ապահովելու համար մենք դատարանի միջոցով կպաշտպանենք մեր իրավունքներն ու շահերը»,-ասված է չինական Bytedance ընկերության հայտարարության մեջ:
Վերջին մեկ տարվա ընթացքում ընկերությունը փորձել է կապ հաստատել ամերիկյան վարչակազմի հետ և լուծումներ առաջարկել ԱՄՆ-ի կողմից արտահայտված մտավախությունների կապակցությամբ, սակայն Վաշինգտոնն անտեսել է փաստերը և չի հետևել իրավական կարգերին՝ ընդհուպ մինչև փորձելով միջամտել առևտրային բանակցություններին։
Օգոստոսի 6-ին ԱՄՆ նախագահ Դոնալդ Թրամփը երկու գործադիր հրամանագրեր է ստորագրել, որոնք արգելում են ցանկացած գործարք իրականացնել TikTok հավելվածի սեփականատիրոջ հետ:
Վաշինգտոնում կարծում են, որ չինական Wechat և TikTok հավելվածները «սպառնում են ԱՄՆ ազգային անվտանգությանը, արտաքին քաղաքականությանը և տնտեսությանը»։
