18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
«Հետո կորոշենք ում ենք աշխատանքի հրավիրում». Լուկաշենկոն հրահանգել է կողպել գործադուլ անող գործարանների դարպասները
Քաղաքականություն
22.08.2020 | 20:28
Բելառուսի Նախագահ Ալեքսանդր Լուկաշենկոն հանձնարարել է փակել այն ձեռնարկությունները, որոնց աշխատակիցները գործադուլ են անում։ Նման հայտարարություն Լուկաշենկոն արել է Գրոդնոյում իր կողմնակիցների հետ հանդիպման ժամանակ, հաղորդում է Medusa.io-ն։
«Ես խնդրում եմ մարզպետներին և տնօրեններին՝ եթե որևէ մեկը չի ցանկանում աշխատել՝ մի պարտադրեք։ Պետք չէ։ Մենք նրանց միևնույնն է ոչ կհամոզենք, ոչ էլ կպարտադրենք։ Իսկ եթե ձեռնարկությունները չեն աշխատում, երկուշաբթի օրվանից դարպասները կկողպենք», – ասել է Լուկաշենկոն և հավելել, որ երբ «մարդիկ կհանդարտվեն», հնարավոր կլինի որոշել, թե ում հետագայում աշխատանքի կհրավիրեն։
Հիշեցնենք, որ բելառուսական խոշոր ընկերություններում, ինչպիսիք են БелАЗ, МАЗ, Մինսկի տրակտորի գործարանը, «Гродно-Азот»-ը և այլն, սկսվեցին մասսայական գործադուլները նախագահի ընտրություններից մի քանի օր անց։ Ակցիայի մասնակիցները պահանջում են դադարեցնել ոստիկանական բռնությունները՝ խաղաղ ցուցարարների նկատմամբ։
Ինքը Լուկաշենկոն բազմիցս հայտարարել է, որ գործադուլներին փոքրամասնությունն է մասնակցում և որ մեծ գործարաններում, որտեղ հազարավոր մարդիկ են աշխատում, ցուցարարներին միանում են միայն տասնյակ աշխատակիցներ։
Հավելենք նաև, ընդդեմ Լուկաշենկոյի բողոքի ցույցերին մասնակցել է մոտ 200 հազար մարդ:
