29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Բելառուսում մահացել է չորրորդ ցուցարարը
Քաղաքականություն
19.08.2020 | 17:52
Մինսկի ռազմական հոսպիտալում մահացել է օգոստոսի 11-ին Բրեստի ցույցերի ժամանակ գլխի հրազենային վիրավորում ստացած Գենադի Շուտովը, հայտնում է Tut.by-ը։
Հարազատները երկու օր շարունակ չեն կարողացել գտնել Շուտովին։ Ավելի ուշ նրանք պարզել են, որ Շուտովին տեղափոխել են Բրեստի շրջանային հիվանդանոց, այնտեղից էլ՝ Մինսկի ռազմական հոսպիտալ։
Դեպքի ականատեսները Շուտովի հարազատներին հայտնել են, որ նա ցույցի ժամանակ ոչ մեկի հետ չի վիճաբանել, չի կռվել: Նրանց փոխանցմամբ՝ Շուտովի վրա կրակել են շենքերից մեկի տանիքից:
Բելառուսի ՆԳՆ-ն այսօր հայտնել է, որ օգոստոսի 11-ի գիշերը Բրեստում ոստիկանությունը կրակ էր բացել ցուցարարների ուղղությամբ, երբ «ագրեսիվ տրամադրված և ամրաններով զինված քաղաքացիների խումբը հարձակվել է իրավապահների վրա»։ Ըստ նախարարության՝ նրանք նախազգուշական կրակոցներ են արձակել, իսկ հետո կրակել ցուցարարների ուղղությամբ: Մեկ մարդ վիրավորվել է։
Այսօր կեսօրին Առողջապահության նախարարությունը հաստատել է Շուտովի մահվան լուրը: «Օգոստոսի 18-ի երեկոյան նրա առողջական վիճակը կտրուկ վատացել է: Չնայած բժիշկների ջանքերին, տղամարդու կյանքը փրկել չի հաջողվել»,- ասված է նախարարության հաղորդագրության մեջ:
44-ամյա Շուտովը Բելառուսում բողոքի ցույցերի ժամանակ մահացած չորրոդ ցուցարարն է:
