24.02.2026 | 11:37
«ԱԶ Ալկմար» – «Նոա» հանդիպման հյուրերի սեկտորի տոմսերը սպառվել են
Բրյուսելում մեկնարկել է Բելառուսի հարցով ԵՄ արտակարգ գագաթնաժողովը
Քաղաքականություն
19.08.2020 | 14:57
Բրյուսելում սկսվել է Բելառուսի հարցով արտակարգ գագաթնաժողովը, որին մասնակցում են ԵՄ պետությունների ղեկավարները: Հանդիպումը տեղի է ունենում տեսակոնֆերանսի ձևաչափով, հաղորդում է DW-ի ռուսաստանյան ծառայությունը:
Այլ հարցերի թվում, հանդիպման մասնակիցները կքննարկեն նաև Բելառուսին լրացուցիչ օգնություն տրամադրելու հարցը: Մասնավորապես առաջարկվել է հիմնադրամ ստեղծել տուժածներին օգնելություն ցուցաբերելու համար, ֆինանսավորել երկրում լրատվամիջոցների բազմակարծությունը խթանող ծրագրերը, տրամադրել խորհրդատվություն իրավապահ մարմիններում բարեփոխումներ անցկացնելու համար, ինչպես նաև հեշտացնել բելառուսների մուտքը Եվրամիության աշխատաշուկաներ:
Եվրամիության անդամ երկրները մտադիր են արտահերթ հանդիպման ժամանակ խստացնել Բելառուսի դեմ պատժամիջոցները:
«Բելառուսի ժողովուրդն իր ապագայի մասին որոշում կայացնելու և իր առաջնորդին ընտրելու իրավունք ունի: Ցուցարարների դեմ բռնությունն անընդունելի է և անթույլատրելի»,- Եվրախորհրդի նախագահ Չարլզ Միշելը ավելի վաղ գրել էր Twitter-ի իր միկրոբլոգում:
