16.04.2026 | 23:27
Ինչ իրավիճակ է Հայաստանի ճանապարհներին և Լարսում
Մինսկի կենտրոնում նոր ձերբակալություններ են սկսվել
Քաղաքականություն
11.08.2020 | 21:31
Մինսկում՝ մետրոյի «Պուշկինսկայա» կայարանի տարածքում, ներքին զորքերը սկսել են ձերբակալել ենթադրյալ ցուցարարներին, հայտնում է ՌԻԱ Նովոստի-ն:
Ուժայինները վերահսկում են տարածքը՝ կանգնեցնելով բոլոր կասկածելի անձանց: Երբեմն նրանք ստիպված են լինում վազել մարդկանց խմբերի հետևից:
Ըստ աղբյուրի՝ մարդկանց թիվն այստեղ գնալով ավելանում է, իսկ զինվորականները փորձում են թույլ չտալ նրանց մի վայրում հավաքվել:
Sputnik Беларусь-ի փոխանցմամբ՝ քաղաքի կենտրոնում մի քանի միավոր հատուկ տեխնիկա և ջրցան մեքենա է տեղակայված:
Հիշեցնենք, որ բողոքի ցույցերը Բելառուսում սկսվել են օգոստոսի 9-ին: Նախագահական ընտրությունների արդյունքների հրապարակումից հետո քաղաքացիներն ու ընդդիմության կողմնակիցները են դուրս եկել փողոց՝ արտահայտելու իրենց դժգոհությունը իշխանությունների և ընտրակեղծիքների դեմ: Որոշ վայրերում բողոքի ակցիաները վեր են ածվել փողոցային անկարգությունների: Կան բազմաթիվ ձերբակալվածներ և վիրավորներ: Ըստ պաշտոնական տվյալների՝ ցուցարարներից մեկը մահացել է, երբ պայթուցիկ սարքը պայթել է ձեռքում: Իրավապահները բերման են ենթարկել շուրջ 3000 մարդու, ում սպառնում է 8-15 տարվա ազատազրկում զանգվածային անկարգություններ հրահրելու և իրավապահների դեմ ուժ կիրառելու համար:
Ըստ ԿԸՀ-ի տվյալների` ընտրություններում հաղթող է դարձել գործող նախագահ Ալեքսանդր Լուկաշենկոն՝ հավաքելով ձայների ավելի քան 80 տոկոսը, իսկ նրա հիմնական մրցակից Սվետլանա Տիխանովսկայան ստացել է ձայների 10 տոկոսը:
Այսօր նաև հայտնի է դարձել, որ Տիխանովսկայան մեկնել է Լիտվա:
