19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
Մեր հասարակության մի զգալի մասը պատրաստ չէր լսելու պարզ ճշմարտություններ․ Սերժ Սարգսյան
Քաղաքականություն
07.08.2020 | 13:36
Երկար լռությունից հետո ՀՀ երրորդ նախագահ Սերժ Սարգսյանը որոշել է խոսել մեր հայրենակիցների հետ տեսանյութերի միջոցով։ Չնայած նա խոստացել էր Ապրիլյան քառօրյայի մասին ասուլիսով հանդես գալ, բայց, ինչպես տեսանյութում է պնդում, համաճարակի պատճառով ընտրել է այս ձևաչափը, սակայն խոստացել է, որ ասուլիս էլ կլինի։ Սերժ Սարգսյանը, մասնավորապես, նշել է, որ անցյալին վերադարձ չի լինի, բայց առանց անցյալի էլ ապագա չես կառուցի։
Ներկայացնում ենք տեսանյութում հնչած հարցերն ու ՀՀ երրորդ նախագահի պատասխանները։
– Ինչո՞ւ էիք Դուք լռում մինչև ապրիլյան պատերազմի վերաբերյալ խորհրդարանական լսումները:
– Ես երկար ժամանակ լռում էի, քանի որ չէի ցանկանում, որ մեր երկրում էլ ավելի վատթարանար իրավիճակը՝ խորացնելով բևեռացումը, պառակտելով մեր հասարակությունը մինչև վերջ:
– Ի՞նչն էր Ձեզ խանգարում խոսել:
– 2018թ. շատ հուզական տարի էր: Քաոսն ու ագրեսիան օրեցօր աճում էին՝ ուրախացնելով միայն մեր թշնամիներին: Եվ այդ հուզական միջավայրում մեր հասարակության մի զգալի մասն էլ պատրաստ չէր լսելու պարզ ճշմարտություններ:
-Իսկ ո՞րն էր լուծումը:
– Ժամանակ էր պետք, որպեսզի յուրաքանչյուրն ինքնուրույն հասկանա իրավիճակը: Բայց այս ամենի մասին հանգամանորեն դեռ կխոսենք։
