18.11.2024 | 13:45
ԲԴԽ նախագահի պաշտոնում շրջանառվում է Արթուր Աթաբեկյանի թեկնածությունը
Միջնորդում եմ Յուրի Խաչատուրովին հասանելի լեզվով տրամադրել գործի նյութերը․ պաշտպան. ՏԵՍԱՆՅՈՒԹ
Հասարակություն
04.08.2020 | 15:48
Եթե քննիչն իր պարտականությունները ժամանակին կատարեր ու գործի նյութերը թարգմանված տրամադրեր, մենք հիմա այսպիսի խնդրի առաջ կանգնած չէինք լինի: Դատարանում այսօր նման հայտարարությամբ հանդես եկավ ՀԱՊԿ նախկին գլխավոր քարտուղար, Մարտի 1-ի գործով ամբաստանյալ Յուրի Խաչատուրովի պաշտպան Միհրան Պողոսյանը։
Պաշտպանը միջնորդեց, որպեզի քրեական գործի նյութերը թարգմանվեն, և Յուրի Խաչատուրովի համար հասանելի լեզվով տրամադրվեն նրան։
«Յուրի Խաչատուրովին գործի նյութերը իրեն հասանելի ձևով չտրամադրելով՝ նրան զրկել են գործի վերաբերյալ մեկնաբանություն տալու հնարավորությունից։ Մենք այս մասին խոսում ենք նախաքննության փուլի ավարտից սկսած, խախտված է Յուրի Խաչատուրովի արդար դատաքննության իրավունքը, պաշտպանության իրավունքը»,-նշեց փաստաբանը։
Դատարանը մասնակի բավարարեց Խաչատուրովի պաշտպանի միջնորդությունը։ Դատավոր Աննա Դանիբեկյանը նշեց, որ պաշտպանը հստակ չի նշել, թե որ նյութերն է անհրաժեշտ իրենց տրամադրել և թարգմանված տեսքով Յուրի Խաչատուրովին կտրամադրվի խափանման միջոցի վերաբերյալ որոշումը։
Դատարանը նաև նշեց, որ Խաչատուրովը պետության կողմից ապահովված է թարգմանչով և ցանկացած աշխատանքային օր, աշխատանքային ժամի կարող է օգտվել նրա ծառայություններից։
Մանրամասները՝ տեսանյութում։
Լիլիթ Շաբոյան
