23.04.2026 | 14:36
Տուապսեի նավթային տերմինալի հրդեհը երրորդ օրն է՝ շարունակվում է. այն սպառնում է վերածվել բնապահպանական աղետի
Կրկնակի վարակման մի քանի արձանագրված դեպք ունենք․ Արսեն Թորոսյան․ ՏԵՍԱՆՅՈՒԹ
29.07.2020 | 18:56
Հայաստանում կորոնավիրուսի կրկնակի վարակման մի քանի դեպքեր են արձանագրվել։ Այս մասին այսօր պարետատան նիստից հետո ճեպազրույցի ընթացքում հայտարարեց առողջապահության նախարար Արսեն Թորոսյանը։
«Իհարկե, վերջնական գիտական մակարդակի հետազոտություններ են պետք՝ պարզելու, թե ինչով են դրանք պայմանավորված, որովհետև դրանք լայնածավալ և մեծամասշտաբ չեն։ Ամենայն հավանականությամբ, պայմանավորված են կոնկրետ անձանց առողջապահական առանձնահատկություններով, միգուցե՝ շատ բջջային մակարդակի։ Նման արձանագրումներ եղել են աշխարհի տարբեր երկրներում»,- նշեց Թորոսյանը։
Անդրադառնալով պատվաստանյութերի՝ աշխարհում տեղի ունեցող փորձարկումներին և դրանց վերաբերյալ բանակցություններին, նախարարը նշեց, որ բանակցությունները շարունակվում են երկու ուղղություններով։
«Դրանք երկկողմանի բանակցություններ են Moderna ընկերության հետ, հաջողություն են ունեցել ոչ միայն այդ, այլև մի շարք այլ պատվաստանյութեր և, բանակցությունների հաջողության դեպքում, մենք դրա մասին կհայտարարենք։ Նաև բանակցություններ են ընթանում բազմակողմանի ֆորմատով, բազմաթիվ երկրներ բանակցում են մի քանի արտադրողների հետ»,- նշեց Թորոսյանը։
Մանրամասները՝ տեսանյութում։
