18.05.2026 | 17:55
Ռուսական ԱԹՍ-ները Սև ծովում հարձակվել են երեք բեռնատար նավերի վրա
Արմեն Գևորգյանի պաշտպանը միջնորդեց նրա գույքի վրա դրված կալանքը հանել․ ՏԵՍԱՆՅՈՒԹ
Հասարակություն
28.07.2020 | 14:37
ՀՀ նախկին փոխվարչապետ Արմեն Գևորգյանի պաշտպան Էրիկ Ալեքսանյանն այսօր դատարանում հանդես եկավ Գևորգյանի գույքի վրա դրված կալանքն ամբողջությամբ վերացնելու միջնորդությամբ։ Ալեքսանյանը հիշեցրեց՝ մինչ այս դատարանն արձանագրել է, որ Գևորգյանի գույքը կալանքի տակ առնելով՝ վարույթն իրականացնող մարմինը խախտել է Գևորգյանի իրավունքները։
«Արմեն Գևորգյանի գույքի վրա կալանք դնելու որևէ նպատակ և հիմնավորում գոյություն չունի»,- նշեց պաշտպանը։
Ալեքսանյանը հավելեց, որ անհասկանալի է, թե ինչու է կալանք դրվել ոչ միայն Գևորգյանի, այլ նրա մերձավորների հաշիվների վրա, որոնք այս գործով որևէ կարգավիճակ չունեն։
Հիշեցնենք՝ Արմեն Գևորգյանը մեղադրվում է սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու համար։
Մանրամասները՝ տեսանյութում։
Լիլիթ Շաբոյան
