07.07.2026 | 12:23
Պայթյուններ Դամասկոսում այն հյուրանոցի մոտ, որտեղ իջևանել է Էմանուել Մակրոնը
«Հարգանքի տուրք եմ մատուցել 4 հայ զինվորների հիշատակին, որոնք զոհվեցին Ադրբեջանի ագրեսիայի արդյունքում»․ Վալերի Բուայե
Քաղաքականություն
27.07.2020 | 21:15
Ֆրանսիայի Ազգային ժողովի պատգամավոր, Մարսելի փոխքաղաքապետ Վալերի Բուայեն ֆեյսբուքյան իր էջում գրառում է կատարել՝ նշելով, որ շաբաթ՝ հուլիսի 25-ին հարգանքի տուրք է մատուցել չորս հայ զինվորների հիշատակին, որոնք զոհվել են Հայաստանի դեմ Ադրբեջանի ռազմական ագրեսիայի արդյունքում։
«Հարգանքի տուրք եմ մատուցել չորս հայ զինվորների հիշատակին, որոնք զոհվել են Հայաստանի դեմ Ադրբեջանի ռազմական ագրեսիայի արդյունքում։ Այս կապակցությամբ Մարսելի Սուրբ Հայ Առաքելական եկեղեցում պատարագ է մատուցվել։ Հայաստանի համար Ֆրանսիան պետք է դաշնակից և քույր մնա»,- նշված է Բուայեի գրառման մեջ։
Հավելենք, որ 2011 թվականին Ֆրասնիայի Ազգային ժողովը Վալերի Բուայեի առաջարակությամբ ընդունեց Հայոց ցեղասպանությունը քրեականացնող օրինագիծը։
Նելլի Մելքոնյան
