04.07.2026 | 04:45
ԱԱ-2026. Մեսիի գոլն ու Արգենտինայի ծանր հաղթանակը լրացուցիչ ժամանակում. ՏԵՍԱՆՅՈՒԹ
ԲՀԿ-ի կազմալուծման մասին որևէ խոսք լինել չի կարող. Նաիրա Զոհրաբյանը՝ Սերգեյ Բագրատյանի՝ խմբակցությունից դուրս գալու և հետագա զարգացումների մասին․ ՏԵՍԱՆՅՈՒԹ
Քաղաքականություն
27.07.2020 | 20:43
Պատգամավոր Սերգեյ Բագրատյանի՝ «Բարգավաճ Հայաստան» խմբակցությունը լքելու և ԲՀԿ-ի հնարավոր պառակտման վերաբերյալ Factor.am-ն այսօր մեկնաբանություն ստացավ խմբակցության պատգամավոր Նաիրա Զոհրաբյանից։
Հարցին՝ հայտնի՞ է, թե ինչու է Սերգեյ Բագրատյանը որոշել դուրս գալ խմբակցությունից, Զոհրաբյանն ասաց. «Որևէ պատճառ, թե ինչու Բագրատյան Սերգեյը լքեց խմբակցությունը, մենք չունենք։ Բագրատյանը խմբակցության ղեկավարի կամ որևէ պատգամավորի հետ տարաձայնություն չի ունեցել։ Վերջին 1․5 ամսվա ընթացքում խմբակցության որևէ պատգամավոր նրա հետ չի կարողացել կապ հաստատել»։
Իսկ հնարավո՞ր է՝ այլ պատգամավորներ ևս դուրս գան խմբակցությունից, արդյո՞ք պառակտում է սկսվել․ այս հարցին Նաիրա Զոհրաբյանն արձագանքեց. «Ես իմ փոխարեն կարող եմ երաշխավորել, որ ես երբևէ խմբակցությունից դուրս չեմ գալու, և մյուս գործընկերներիս դուրս գալու պատճառ էլ չեմ տեսնում։ ԲՀԿ-ի կազմալուծման մասին որևէ խոսք լինել չի կարող»։
Մանրամասները՝ տեսանյութում։
Մերի Մարտիրոսյան
