28.11.2024 | 15:27
ԲԴԽ նախագահի ընտրության ընթացքում որևէ թեկնածու չի հավաքել բավարար ձայների քանակ
Սիրիական Հասակեում պայթյունի հետևանքով զոհեր և վիրավորներ կան
Քաղաքականություն
26.07.2020 | 15:24
Սիրիական Հասակե նահանգի հյուսիս-արևմուտքում Ռաս ալ-Այն քաղաքում ականապատ մոտոցիկլետի պայթյունի հետևանքով խաղաղ բնակիչների շրջանում զոհեր և վիրավորներ կան։ Այս մասին գրում է սիրիական ՍԱՆԱ պետական գործակալությունը։
Պայթյունը որոտացել է վաղ առավոտյան, բանջարեղենի շուկայում։ Ականապատ մոտոցիլկետը կայացված է եղել դեպի շուկա տանող ճամփեզրին։
Պայթյունի հետևանքով 8 խաղաղ բնակիչ է զոհվել, հիմնականում՝ կանայք և երեխաներ։ Վիրավորներ կան, նաև նյութական վնաս է հասցվել։
Աղբյուրը հիշեցնում է, որ հունիսի 5-ին էլ նույն քաղաքում ականապատ ավտոմեքենայի պայթյունի հետևանքով 2 երեխա էր զոհվել, ևս 3 խաղաղ բնակիչ վիրավորվել էր։
