27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
«Մեր շուկաներում այլևս խտրականություն չի լինի»․ Մոսկվայի «Ֆուդ Սիթի»-ի սեփականատերերը հայտարարություն են տարածել
Քաղաքականություն
25.07.2020 | 18:12
Մոսկվայի «Ֆուդ Սիթի» մեծածախ առևտրի շուկայի սեփականատերերը հայտարարություն են տարածել, որում անդրադառնում են վերջին շրջանում հայ-ադրբեջանական լարվածությանը։ Այս մասին տեղեկանում ենք Ռուսաստանում հայերի միության ֆեյսբուքյան էջից։
«Կիևյան հրապարակ» («Киевская площадь») ընկերությունների խմբի բաժնետերերը, որոնց պատկանում է Մոսկվայի «Ֆուդ Սիթի» առևտրի շուկան, հայտարարության մեջ նշել են, որ իրենց շուկաներում այլևս խտրականություն չի լինի։
««Կիևյան հրապարակ»-ի բաժնետերերը և ղեկավարները մտադիր են շարունակել հավատարիմ մնալ հավասարության սկզբունքներին խմբի բոլոր օբյեկտներում՝ անկախ ազգությունից, հատուկ ուշադրություն դարձնելով հարմարավետ և անվտանգ պայմանների ստեղծմանը բոլոր նրանց համար, ովքեր մեր հաստատություններում են աշխատում»,- ասվում է հայտարարությունում։
Դրանում ներկայացված են կետեր, որոնց հատուկ ուշադրություն է դարձվելու․ «Ռուսաստանի օրենսդրությանը հետևելը բացարձակ առաջնահերթություն է։ Ընկերությունը հոգ է տանում սպառողների, գործընկերների և վարձակալների շահերի մասին՝ անկախ նրանց ազգային պատկանելությունից կամ կրոնից»։
Հիշեցնենք՝ Մոսկվայում, հայ-ադրբեջանական բախումներից առաջ, «Ֆուդ Սիթի» մեծածախ առևտրի շուկայի՝ ազգությամբ ադրբեջանցի սեփականատերերն արգելել էին տարածքում հայկական ծիրանի վաճառքը, ինչից հետո տեղի հայ համայնքը գնել էր ծիրանի ողջ խմբաքանակը։
Նելլի Մելքոնյան
