09.10.2026 | 11:32
Փաշինյանը հայտարարել է, որ Հայաստանի և Ադրբեջանի միջև խաղաղությունը կայացած փաստ է
Ինչո՞ւ հնարավորություն չտանք ցածր միավորներ ստացած դիմորդներին բացվել․ անընդհատ պետք է դո՞ւրս մղվեն․ ԳԹԿ փոխտնօրեն. ՏԵՍԱՆՅՈՒԹ
Հասարակություն
23.07.2020 | 13:53
Մինչև բուհական քննությունների սկսելը ԳԹԿ-ն բազմիցս տեղեկացրել է ընդունելության նոր կարգի մասին։ Այս մասին այսօր նշեց ԳԹԿ փոխտնօրեն Կարո Նասիբյանը «Ինչպե՞ս գնահատել դիմորդներին. հայտի և գիտելիքի գնահատման խնդիրը» քննարկման ժամանակ։
Նասիբյանի համար անհասկանալի են այն ծնողների բողոքները, որոնց երեխաները հավաքել են 18․5 միավոր և ասում են՝ թող 7․5 կամ 8 միավոր ստացածներին հանեն, իրենց երեխաներին ընդունեն։
«7․5-ը ՀՀ-ում դրական միավոր է, և եթե երեխան ստացել է պահանջվող դրական միավորը, կարող է ընդունվել այդ բուհ և դասախոսական կազմը կարող է ասել, որ առաջին, երկրորդ կուրսում միջին և միջինից ցածր ստացած ուսանողները, հատկապես շրջաններից եկած, սկսում են բացվել։ Ինչո՞ւ հնարավորություն չտանք նրանց բացվելու, անընդհատ պետք է այդ մարդիկ դո՞ւրս մղվեն»,- նշեց ԳԹԿ փոխտնօրենը։
Նա պարզաբանեց, որ այսօր գործող կարգով, եթե դիմորդն առաջին հայտով նշում է որևէ մասնագիտություն, այդ առաջին տողի անվճարը և վճարովին ունեն գերակա նշանակություն մնացած բոլոր հայտերի նկատմամբ։ Նրա խոսքով՝ եթե դիմորդը առաջին հայտով չի ընդունվել, ապա մնացած տողերում լրացրած մասնագիտություններում ընդունելության մրցույթին կարող է մասնակցել միայն այն դեպքում, եթե կան թափուր տեղեր։
Մանրամասները՝ տեսանյութում։
