Հասարակություն
21.07.2020 | 22:35
Արցախի և Հայաստանի պետական բուհեր ընդունվելու համար այս տարի գնահատման և թեստավորման կենտրոնում հայտագրվել էր 902 դիմորդ: Այս մասին «Արցախպրես»-ի թղթակցի հետ զրույցում ասել է ԱՀ ԿԳՄ նախարարության գնահատման և թեստավորման կենտրոնի (ԳԹԿ) տնօրեն Յուրի Քարամյանը:
Նրա խոսքով՝ 740 դիմորդ հայտագրվել է արցախյան բուհերում սովորելու նպատակով, իսկ 162-ը՝ հայաստանյան:
«902 հայտագրվածներից Արցախի բուհեր է ընդունվել 466 դիմորդ, այդ թվում 54-ը՝ անվճար հիմունքներով (ԱրՊՀ և Շուշիի տեխնոլոգիական համալսարան): Հայաստանյան բուհեր է ընդունվել 119 դիմորդ, որից 60-ը՝ անվճար հիմունքով: Ի դեպ, բացի նշվածից, Արցախից 56 դիմորդ էլ ընդունվել է Վազգեն Սարգսյանի անվան ռազմական համալսարան»,- տեղեկացրել է Յուրի Քարամյանը։
Նա նշել է, որ նախորդ տարվա համեմատ՝ հայտագրվածների թիվն էականորեն չի փոխվել, արդյունքները բավարար են:
