08.07.2026 | 11:11
Մեսին շարունակում է ռեկորդներ սահմանել աշխարհի առաջնությունում
Սեպտեմբերից սփյուռքահայ 100 բարձրակարգ մասնագետներ կներգրավվեն ՀՀ պետական կառավարման համակարգի աշխատանքներին․ Նիկոլ Փաշինյան
Քաղաքականություն
20.07.2020 | 22:38
Սեպտեմբերից սփյուռքահայ 100 բարձրակարգ մասնագետներ կներգրավվեն ՀՀ պետական կառավարման համակարգի աշխատանքներին։ Այս մասին ֆեյսբուքում գրել է ՀՀ վարչապետ Նիկոլ Փաշինյանը։
«Սեպտեմբերից 100 սփյուռքահայ բարձրակարգ մասնագետներ «իԳործ» ծրագրի շրջանակներում կներգրավվեն ՀՀ պետական կառավարման համակարգի աշխատանքներին: Ուրախ ենք նրանց Հայաստանում ընդունելու եւ իրենց փորձն ի բարօրություն մեր երկրի ծառայեցնելու համար»,- գրել է վարչապետը։
Նիկոլ Փաշինյանը նաև հրապարակել է Սփյուռքի գերագույն հանձնակատարի գրասենյակի հաղորդագրությունը, որում ասվում է․ «Հարությունը Հարվարդի համալսարանից, Անահիտը Սորբոնից ու Ալինը Լիվերպուլից «իԳործ» ծրագրի հարցազրույցների փուլը հաղթահարելուց հետո կհամալրեն ՀՀ արդարադատության նախարարության շարքերը: Նրանց պես աշխարհի լավագույն համալսարաններն ավարտած 100 սփյուռքահայ մասնագետներ սեպտեմբերից կվերադառնան հայրենիք և ավելի քան 20 գերատեսչություններ կցնցեն միայն դրական առումով: Հայաստանի համար ռազմավարական և քաղաքական մեծ նշանակություն ունեցող «իԳործ»-ը երկրի պատմության մեջ առաջին նմանատիպ ծրագիրն է»։
