07.07.2026 | 13:18
Կիևի մոտ հայտնաբերել են կնոջ մարմին, որին կասկածում էին Մոնակոյում միլիարդատեր Երմոլաևի դեմ մահափորձի մեջ
Ինչո՞ւ է Մարգարիտա Սիմոնյանի հակահայկական գրառման մասին հոդվածը հայտնվել ՀԱՊԿ սոցցանցերի էջերում․ պարզաբանում. ԼՈՒՍԱՆԿԱՐՆԵՐ
Քաղաքականություն
20.07.2020 | 21:33
Այսօր առավոտյան ՀԱՊԿ-ի՝ Facebook, Twitter, VK սոցիալական ցանցերի պաշտոնական էջերում հրապարակվել էր «Մոսկովսկի կոմսոմոլեցի»՝ «Թքել ու տրորել․ Սիմոյանը Հայաստանին հիշեցրել է չճանաչված Ղրիմի մասին» հոդվածը։ Այն Russia Today-ի գլխավոր խմբագիր Մարգարիտա Սիմոնյանի հակահայկական գրառման մասին է, որը սոցցանցերի հայ օգտատերերի շրջանում քննադատությունների մեծ ալիք բարձրացրեց։
Հավաքական անվտանգության պայմանագրի կազմակերպության սոցիալական ցանցերի պաշտոնական էջերում հրապարակումից կարճ ժամանակ անց հոդվածը հեռացվեց։ Կազմակերպությունը պաշտոնական հաղորդագրություն է տարածել՝ պարզաբանելով, որ հոդվածի հրապարակումը տեխնիկական սխալի հետևանք է։
«RT-ի գլխավոր խմբագիր Մարգարիտա Սիմոնյանի գրառման հոդվածի հղման տեղադրումը սոցիալական ցանցի էջերում տեղի է ունեցել տեխնիկական սխալի պատճառով, և գրառումը անմիջապես ջնջվել է։ Այդ ամենի հետ մեկտեղ, ուզում ենք նշել, որ գրառման հեղինակի կարծիքն ամբողջովին հակասում է ՀԱՊԿ քարտուղարության պաշտոնական դիրքորոշմանը, որն ասվում է ՀԱՊԿ պաշտոնական կայքում տեղադրված քարտուղարության համապատասխան մեկնաբանության մեջ»,- նշվում է հաղորդագրությունում։
Էմմա Չոբանյան
