22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ԱՄՆ Ներկայացուցիչների պալատն Ադրբեջանին պաշտպանական միջոցների մատակարարումը դադարեցնելու հարց կքննարկի
Քաղաքականություն
15.07.2020 | 10:59
Հայ-ադրբեջանական սահմանին բռնկված վատթարագույն հարձակումների ֆոնին ԱՄՆ Ներկայացուցիչների պալատը պատրաստվում է խաղաղությանն ուղղված մի շարք փոփոխություններ քննարկել։ Դրանցից մեկն Ադրբեջանին պաշտպանական միջոցների մատակարարումների դադարեցման մասին է։ Այս մասին տեղեկանում ենք Ամերիկայի Հայ դատի հանձնախմբից (ANCA):
«Քանի որ Ադրբեջանը խստացնում է սահմանային հարձակումները, այս փոփոխություններով Կոնգրեսին առաջարկվում է հնարավորություն՝ դիմակայել և զսպել Ալիևի ագրեսիան»,- ասել է ANCA-ի գործադիր տնօրեն Արամ Համբարյանը:
Նրա խոսքով՝ այդ փոփոխությունների շուրջ քվեարկությունը տեղի է ունենալու երկուշաբթի՝ հուլիսի 20-ին։
«Մենք խնդրում ենք մեր ընկերներին ու համակիրներին՝ դիմել իրենց ամերիկացի օրենսդիրներին՝ կողմ քվեարկել կոնգրեսականններ Բրեդ Շերմանի և Ֆրենկ Փալոունի կողմից առաջարկված այդ փոփոխություններին»,- հավելել է Արամ Համբարյանը։
