10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Գյումրին՝ հորդառատ անձրևի և կարկուտի տակ․ ինչպես է մաքրվել քաղաքը. ՏԵՍԱՆՅՈՒԹ
Տեսանյութեր
13.07.2020 | 22:18
Գյումրիում հուլիսի 13-ին մի քանի ժամ տեղացած հորդառատ անձրևը և կարկուտն արտակարգ դրություն են ստեղծել․մի շարք թաղամասեր ու փողոցներ ողողվել են ջրով. այս մասին տեղեկացնում են ՀՀ ԱԻՆ տեղեկատվության և հասարակայնության հետ կապերի վարչությունից։
«Ժամը 15։00-ի սահմաններում ԱԻՆ ՓԾ Շիրակի մարզային փրկարարական վարչությունն ահազանգ է ստացել այն մասին, որ Գյումրիի մի շարք թաղամասեր ու փողոցներ ջրով են ողողված, Տերյան-Ախուրյանի խճուղու հատվածում մեքենաներ են ջրասույզ եղել։ Մարդկանց և մեքենաները տարհանելու համար լրացուցիչ ուժեր ու միջոցներ են ներգրավվել Արթիկի, Անիի, Ամասիայի և Ախուրյանի հրշեջ-փրկարարական ջոկատներից»,- նշված է ԱԻՆ հաղորդագրության մեջ։
Նախարարությունից նաև հայտնում են, որ փրկարարները գործածել են ռետինե նավակներ, գործի է դրվել 13 հրշեջ մեքենա։
Աշխատանքները տեղում ղեկավարել է Շիրակի մարզային փրկարարական վարչության պետ Ալեքսան Գյոզալյանը, համագործակցում են Գյումրիի համայնքապետարանի և ոստիկանության հետ։
