18.11.2024 | 11:33
Օպերայի շրջակայքի շինությունները, ամենայն հավանականությամբ, քանդելու ենք․ Ավինյան․ ՏԵՍԱՆՅՈՒԹ
Գյումրիում հորդառատ անձրև է․ անձրևաջրերը տներն են լցվում․ ԼՈՒՍԱՆԿԱՐՆԵՐ, ՏԵՍԱՆՅՈՒԹ
13.07.2020 | 17:51
Գյումրիում մեկ ժամից ավելի է՝ հորդառատ անձրև է տեղում, որն ուղեկցվում է կայծակով, ժամանակ առ ժամանակ՝ նաև կարկուտով։ Քաղաքի փողոցները հեղեղվել են։
Ահազանգեր կան նաև, որ անձրևաջրերը բնակիչների տներն են լցվում։
Իսկ Շիրակի մարզպետարանից տեղեկացնում են.
«Հարգելի քաղաքացիներ, աննաադեպ հորդառատ անձրևի պատճառով Գյումրիում երթևեկությունը դարձել է դժվարանցանելի։ Երթևեկության համար կան փակ հատվածներ, մասնավորապես, Գարեգին Նժդեհի հրապարակը, Մուսայելյան փողոցը, Գյումրու Ավտոկայարանից Լալայան փողոց գնացող հատվածը, Գյումրու կայարանամերձ հրապարակը, Օզանյան փողոցը։
ԱԻ և ոստիկանության մարզային և համայնքային կոմունալ ծառայություններն այժմ քայլեր են ձեռնարկում խցանումները վերացնելու ուղղությամբ։
Խնդրում ենք երթևեկությունը պլանավորել քաղաքի այլ հատվածներով՝զերծ մնալով վերը նշված հատվածներից»։
