18.11.2024 | 12:14
Վարչապետի դժգոհության հետ են կապված պաշտոնանկությունները. ՔՊ-ում վարույթ կա. Հայկ Կոնջորյան․ ՏԵՍԱՆՅՈՒԹ
ՀԱՊԿ Մշտական խորհրդի արտահերթ նիստը հետաձգվել է անորոշ ժամանակով. Զայնետդինով
Քաղաքականություն
13.07.2020 | 15:51
Հավաքական անվտանգության պայմանագրի կազմակերպության (ՀԱՊԿ) Մշտական խորհրդի արտահերթ նիստը, որը պետք է տեղի ունենար կազմակերպության գլխավոր քարտուղար Ստանիսլավ Զասի նախաձեռնությամբ, անորոշ ժամանակով հետաձգվել է։ «Ազատությանն» այս մասին հայտնել է ՀԱՊԿ մամուլի քարտուղար Վլադիմիր Զայնետդինովը։
Ըստ խոսնակի՝ նիստը հետաձգվել է կողմերի միջև խորհրդակցություններ անցկացնելու պատճառով, ինչպես նաև պետք է հստակեցվի, թե ինչ ձևաչափով պետք է կայանա քննարկումը։ Զայնետդինովը հրաժարվել է նշել, թե ում նախաձեռնությամբ է նիստը հետաձգվել։
Հավելենք, որ ՀԱՊԿ Մշտական խորհրդի արտահերթ նիստի մասին տեղեկությունը, որը հրապարակվել էր ավելի վաղ, հեռացվել է կազմակերպության պաշտոնական կայքից։
Ավելի վաղ հրապարակված հաղորդագրությունում նշվում էր, որ Հավաքական անվտանգության պայմանագրի կազմակերպությունը (ՀԱՊԿ) Մշտական խորհրդի նիստ կգումարի՝ կապված հայ-ադրբեջանական սահմանին տիրող իրավիճակը հետ։
«Կապված հայ-ադրբեջանական սահմանին իրավիճակի սրման հետ, որն առաջացել է Տավուշի ուղղությամբ հուլիսի 12-ին տեղի ունեցած բախումների հետևանքով, ՀԱՊԿ գլխավոր քարտուղար Ստանիսլավ Զասը հուլիսի 13-ին ՀԱՊԿ Մշտական խորհրդի արտակարգ նիստ է նախաձեռնել»,- ասված էր հաղորդագրությունում։
