30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Գյումրու ծերանոցի՝ կորոնավիրուսով հիվանդ շահառուներից ևս մեկը մահացել է․ գրանցվել է վարակի 9 նոր դեպք
13.07.2020 | 14:29
Գյումրիի տարեցների տուն-ինտերնատի կորոնավիրուսով հիվանդ ևս մի շահառու է մահացել։ Լուրը Factor.am-ի հետ զրույցում հաստատեց Հայկական Կարմիր Խաչի ընկերության լրատվական ու լուսաբանման բաժնի վարիչ Նունե Գրիգորյանը։ Նշենք, որ մայիսի 1-ից Հայկական Կարմիր Խաչն է ստանձնել խնամքի կենտրոնի կառավարումը, և այն այժմ կոչվում է Գյումրու շուրջօրյա խնամքի կենտրոն։
«Ցավոք՝ պիտի հաստատենք, որ 70-ամյա մի կին է մահացել Գյումրու ինֆեկցիոնում։ Ուղեկցող ծանր հիվանդություններ է ունեցել»,- ասաց Նունե Գրիգորյանը։
Նա նաև նշեց, որ Սպիտակի հիվանդանոցում բուժվող 27 հիվանդներն ապաքինվում են։ Եթե ամեն ինչ նորմալ ընթանա, վաղը դուրս կգրվեն։
Միաժամանակ, Երևանում բուժվում է 4 հիվանդ, Գյումրիի ինֆեկցիոն հիվանդանոցում՝ 3-ը։
Նշենք, որ ի սկզբանե խնամքի կենտրոնի 151 շահառուից կորոնավիրուս հաստատվել էր 56 մոտ, 66 աշխատակցից էլ՝ 12-ի մոտ։ 37 հիվանդ հոսպիտալացվել էր, առաջին 5-ի վիճակը ծանր էր, նրանցից 3-ը մահացել էր։ Ընդհանուր առմամբ, տարեց հիվանդներից մահացել է 4-ը։
Մեր զրուցակիցը նաև տեղեկացրեց, որ գրանցվել են վարակի նոր դեպքեր․ նրանց չեն հոսպիտալացվել։
«35 հոգու թեստավորել ենք, 9 նոր վարակված ունենք, բայց թեթև ընթացքով, տեղում մեկուսացվել են»,- ասաց Նունե Գրիգորյանը։
Նշենք, որ Շիրակի մարզում կորոնավիրուսից մահերի թիվը հասել է 25-ի։
Էմմա Չոբանյան
