27.08.2026 | 16:58
Փաշինյանը Կոբախիձեին հրավիրել է Հայաստան՝ մասնակցելու COP 17-ի շրջանակներում կայանալիք Առաջնորդների գագաթնաժողովին
Վերաքննիչը բեկանեց Ծառուկյանի գործով առաջին ատյանի դատարանի որոշումը
Հասարակություն
08.07.2020 | 20:28
Քիչ առաջ հայտնի դարձավ, որ Վերաքննիչ քրեական դատարանը բեկանել է ԲՀԿ առաջնորդ Գագիկ Ծառուկյանի խափանման միջոցի մասին առաջին ատյանի դատարանի որոշումն ու այն հետ ուղարկել նոր քննության: Այդպիսով՝ մասամբ բավարարվել է Դատախազության վերաքննիչ բողոքը։ Այս մասին հայտնում են Ծառուկյանի պաշտպանական թիմից։
Հիշեցնենք՝ հունիսի 14-ին «Բարգավաճ Հայաստան» կուսակցության ղեկավար Գագիկ Ծառուկյանի տանը վաղ առավոտյան խուզարկություն էր իրականացվել: Նույն օրը նա հրավիրվեց հարցաքննության՝ ՊԵԿ նախկին նախագահ Գագիկ Խաչատրյանի գործով։
Նույն օրը ԱԱԾ-ն նաեւ հայտնեց, որ Գագիկ Ծառուկյանի ղեկավարած ԲՀԿ-ն ընտրությունների ժամանակ ընտրակաշառք է բաժանել: Հունիսի 15-ին ՀՀ գլխավոր դատախազ Արթուր Դավթյանը միջնորդություն ներկայացրեց ԱԺ-ին՝ Գագիկ Ծառուկյանին պատգամավորական անձեռնմխելիությունից զրկելու և նրան ազատությունից զրկելու մասին։ Հունիսի 16-ին ԱԺ-ն կողմ քվեարկեց միջնորդությանը՝ զրկելով Գագիկ Ծառուկյանին անձեռնմխելիությունից և թույլատրելով նրան ազատազրկել։ Նույն օրը Գագիկ Ծառուկյանին ԱԱԾ-ում մեղադրանք առաջադրվեց։
