03.08.2026 | 20:29
Եվրոպայում 2026 թվականին անտառային հրդեհների վնասը գերազանցել է 3 միլիարդ եվրոն
Ֆրանսիայի վարչապետը հրաժարական է տվել
Քաղաքականություն
03.07.2020 | 12:45
Ֆրանսիայի կառավարությունը՝ վարչապետ Էդուար Ֆիլիպի գլխավորությամբ, այսօր հրաժարական է ներկայացրել։ Այս մասին գրում է ՏԱՍՍ-ը՝ վկայակոչելով Ելիսեյան պալատի հաղորդագրությունը։
«Էդուար Ֆիլիպն այսօր հանրապետության նախագահին է ներկայացրել կառավարության հրաժարականը, որը նա ընդունել է։ Կառավարության անդամների հետ նա զբաղվում է ընթացիկ գործերով՝ մինչև նոր կառավարության նշանակումը»,- ասվում է հաղորդագրությունում։
Ավելի վաղ ֆրանսիական լրատվամիջոցներում տեղեկություններ էին հրապարակվում Էդուար Ֆիլիպի և Ֆրանսիայի նախագահ Էմանուել Մակրոնի միջև տարաձայնությունների մասին։ Նախօրեին Մակրոնը հաստատել է համաճարակից հետո երկրի վերականգնման ֆոնին կառավարությունում փոփոխություններ կատարելու մտադրության մասին։
Էդուար Ֆիլիպը Ֆրանսիայի կառավարությունը գլխավորում է 2017 թվականից։
