10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Ղազախստանում համաճարակային իրավիճակի վատթարացման պատճառով առաջարկել են կրկին 14-օրյա կարանտին մտցնել
Քաղաքականություն
01.07.2020 | 19:57
Կորոնավիրուսի համաճարակի իրավիճակի վատթարացման հետ կապված՝ Ղազախստանում առաջարկում են կրկին կարանտին մտցնել։
«Կառավարությունը հուլիսի 5-ից 14 օրով (երկարաձգելու հնարավորությամբ) կարանտին սահմանելու պլան է ներկայացրել։ Վաղը առողջապահության նախարարը հանդես կգա պարզաբանումներով»,- Twitter-ում գրել է Տոկաևը, հայտնում է Tengrinews.kz-ն։
Ավելի վաղ երկրի առողջապահության նախարար Ալեքսեյ Ցոյը նախագահ Տոկաևին կորոնավիրուսի դեմ պայքարի սցենարներ է ներկայացրել։
Առաջին սցենարի համաձայն՝ առանց կարանտին սահմանելու պգոստոսի վերջին յուրաքանչյուր օր հոսպիտալացում պահանջող COVID-19-ի 27 հազար նոր դեպք կարձանագրվի։ Միաժամանակ, 300 հազար հիվանդանոցային մահճակալի անհրաժեշտություն կլինի։
Երկրորդ սցենարը նախատեսում է երկշաբաթյա ազգային «լոքդաուն»։ Նշվում է, որ այս դեպքում հոսպիտալացման անհրաժեշտությամբ մինչև 7 հազար օրական դեպք կարձանագրվի, իսկ մահճակալային ֆոնդի պահանջարկը օգոստոսի վերջին կկազմի 80 հազար։
Երրորդ սցենարը ներկայացնում է համաճարակի զարգացումը, եթե չորսշաբաթյա «լոքդաուն» սահմանվի։ Այս դեպքում օգոստոսի վերջին հոսպիտալացման անհրաժեշտությամբ օրական դեպքերի թիվը կկազմի 2.500, իսկ մահճակալային ֆոնդի պահանջարկը կլինի մինչև 30 հազար, ինչը համապատասխանում է ընթացիկ իրավիճակին։
