18.11.2024 | 11:14
Անկարան հաստատում է․ Թուրքիան արգելափակել է COP29-ին մասնակցելու մեկնող Իսրայելի նախագահի թռիչքը
Իտալիայում առգրավվել է ամֆետամինի ամենամեծ՝ 1 միլիարդ եվրոյի խմբաքանակ. Euronews
Քաղաքականություն
01.07.2020 | 18:25
Իտալիայի ոստիկանությունն առգրավել է ամֆետամինի ամենամեծ խմբաքանակն աշխարհում, հայտնում է Euronews-ը:
Իսլամական պետություն (ISIS) խմբավորման կողմից պատրաստված 14 տոննա ամֆետամինը հայտնաբերվել է երկրի հարավում՝ Սալերնոյի նավահանգստում:
«Առգրավված թմրանյութի ընդհանուր արժեքը կազմում է 1 միլիարդ եվրո»,- ասված է ոստիկանության հաղորդագրության մեջ:
84 միլիոն կապտավուն հաբերի տեսքով պատրաստված թմրանյութը հայտնաբերվել է 3 կոնտեյներում՝ թղթե տարաների մեջ թաքցրած:
Միաժամանակ ոստիկանությունը նշել է, որ թմրանյութն օգտագործվում է ISIS-ի կողմից ՝ «վախը և ցավը ճնշելու համար»:
«Ջիհադի հաբեր» քողարկված անվամբ այս հաբերը օգտագործվել են Փարիզում 2015 թ-ին տեղի են ունեցած ահաբեկչական հարձակումների ժամանակ»,- հայտնում են ոստիկանությունից:
Իրավապահ մարմիններն ասում են, որ խմբաքանակի հետևում ամենայն հավանականությամբ կանգնած է հանցավոր «կոնսորցիում», քանի որ ոչ մի անհատ չէր կարող իրեն թույլ տալ 1 միլիարդ եվրո արժողությամբ գործարք:
Ոստիկանությունը կարծում է, որ Եվրոպայում կորոնավիրուսային արգելափակումներով պայմանավորված թմրանյութերի արտադրությունն ու տարածումը հնարավոր է դադարեցված լինեն, ինչի պատճառով էլ շատ առևտրականներ դիմել են Սիրիային, որտեղ արտադրության տեմպերը, կարծես թե, չեն դանդաղել:
