19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ես Օսիպյանին ասել եմ՝ Ձեզ չեն խնայի, կգնդակահարեն, որ դնեն մեզ վրա․ Գագիկ Եղիազարյանը ցուցմունք տվեց. ՏԵՍԱՆՅՈՒԹ
Հասարակություն
01.07.2020 | 16:30
Երևանի ընդհանուր իրավասության դատարանի Շենգավիթի նստավայրում, նախագահությամբ դատավոր Մեսրոպ Մակյանի «Սասնա ծռերի» գործով դատական նիստին հարցաքննվեց նաև ՊՊԾ գնդի գրավման գործով ամբաստանյալ Գագիկ Եղիազարյանը:
«Օսիպյանին բազմաթիվ անգամ ասել եմ՝ սա փաստ է, որ նրանք Ձեզ չեն խնայի, նրանք Ձեզ կսպանեն, կգնդակահարեն, որ դա էլ մեզ վրա գցեն։ Ասել եմ, որ մենք իրականում Ձեր անվտանգությունն ենք պահում, ոչ թե պատանդ։ Նրանք կանգնած են եղել, և նրանց ուղղությամբ բացվել է կրակ, որն էլ ապացույցներից մեկն էր»,- ասաց նա։
Հարցին, թե իր գնահատմամբ, ինչո՞ւ էր կրակ բացվել և ինչո՞ւ էին զրահատեխնիկան կենտրոնացրել, նա պատասխանեց. «Կարծում եմ, որ ստուգողական նպատակ ուներ դա։ Դրանով փորձում էին մեր պատրաստվածությունը տեսնել։ Ուզում էին հասկանալ՝ արդյոք մենք կնահանջե՞նք այդ զրահատեխնիկան տեսնելով։ Բոլորս եղել ենք այն դիրքորոշմանը, որ չի եղել որևէ մեկը, որ ասի՝ թքած ունեմ այդ ոստիկանների վրա, բոլորս եղել ենք այն կարծիքին, որ գործում ենք այնպես, որ ոչ մեկին չվնասենք։ Մեր կռիվը ոստիկանի հետ չէ։ Մենք անգամ քննարկել ենք, որ ոստիկանները նույնպես միանան մեզ՝ ժողովրդին»։
Մանրամասները՝ տեսանյութում։
