10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Հայաստանը պարտավորվում է իրականացնել Սահմանադրության սկզբունքները, իսկ ԵՄ-ն պատրաստ է դրա համար վճարել. Հովհաննես Իգիթյան
Քաղաքականություն
23.11.2017 | 19:26
«Թե ինչ կտա Հայաստանին ՀՀ-ԵՄ համաձայնագրի ստորագրումը՝ կախված է Հայաստանից»,- Factor.am-ի հետ զրույցում նշեց ՀՀ ԱԺ Արտաքին հարաբերությունների հանձնաժողովի նախկին նախագահ Հովհաննես Իգիթյանը:
«Ըստ էության սա մի համաձայնագիր է, որով Հայաստանը պարտավորվում է իրականացնել մեր Սահմանադրության սկզբունքները, իսկ ԵՄ-ն պատրաստ է դրա համար վճարել»,- նշեց նա:
Իգիթյանն ընդգծեց՝ համաձայնագրին պետք է նայել ոչ թե որպես պարտավորություն, այլ հնարավորություն. «Այնտեղ ոչ թե դասական ձևով գրված է պայմանագիր և կողմերն ունեն պարտականություններ, որոնք չիրագործելու դեպքում կպատժվեն, այլ դա կարելի է ասել ուղեցույց է, որտեղ ԵՄ-ն իր 28 անդամ երկրներով, հնարավորություն է տալիս լավ և արժանապատիվ ապրել»:
Հովհաննես Իգիթյանի կարծիքով հասարակությունն այսօր ուղղակի ձևով հնարավորություն չունի թելադրողի դերում հանդես գալ. «Իշխանություններն այսօր վախենում են միայն հասարակության համընդհանուր ընդվզումից, իսկ նորմալ ձևերը, որոնք կան աշխարհում, երբ հասարակությունն է ձևավորում իշխանությունը, Հայաստանում գոյություն չունեն»:
Մեր զրուցակիցը նկատեց՝ Եվրոպայում քաղաքացիները սովոր են հաշվել, թե որտեղ են գնալու իրենց գումարները և պատրաստ չեն վճարել փոքր երկրի, որպեսզի նա ոչինչ չանի: «Հայաստանը պետք է ապացուցի, որ պատրաստ է բարեփոխումների»,- եզրափակեց նա:
Մանրամասները՝ տեսանյութում:
Լիլիթ Շաբոյան
