13.05.2026 | 23:03
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Կազմակերպվել է Ղարաբաղյան շարժման 30-ամյակի տոնակատարության կազմակերպման և համակարգման պետական հանձնաժողովի անդրանիկ նիստը
23.11.2017 | 19:56
Նոյեմբերի 23-ին Ազգային ժողովի նիստերի փոքր դահլիճում տեղի է ունեցել Ղարաբաղյան շարժման 30-րդ տարեդարձի տոնակատարության կազմակերպման և համակարգման պետական հանձնաժողովի անդրանիկ նիստը՝ խորհրդարանի ղեկավար Աշոտ Ղուլյանի նախագահությամբ:
Ընդգծելով իրադարձության կարևորությունը՝ որպես հայ ժողովրդի ազգային զարթոնքի մեկնակետ, ԱԺ նախագահը նշել է, որ հանդիսավոր միջոցառումները պետք է համընդգրկուն կերպով տոնական տրամադրություն ապահովեն Արցախի ողջ տարածքում, իսկ կոնկրետ ոլորտային ծրագրերի իրականացման միջոցով վերաիմաստավորվի շարժման 30-ամյա ճանապարհը:
Այնուհետև հանձնաժողովի անդամները, որոնց թվում ընդգրկված են Ղարաբաղյան շարժման ակտիվիստներ, պետական կառավարման ոլորտների և շրջանների վարչակազմերի պատասխանատուներ, հանդես են եկել տոնական միջոցառումների կազմակերպման վերաբերյալ առաջարկներով:
Ամփոփելով նիստը՝ Աշոտ Ղուլյանը համապատասխան հանձնարարականներ է տվել հանձնաժողովի անդամներին՝ մեկշաբաթյա ժամկետում տոնական միջոցառումների ծրագրերի առաջարկներ ներկայացնելու, իսկ շրջվարչակազմերի ղեկավարներներին՝ շրջանային հանձնաժողովներ ձևավորելու վերաբերյալ:
