15.11.2024 | 12:45
Քաղաքացիները մեղադրեցին, թե լկտի սուտ եմ տարածել, պարզվեց` ճիշտ դուրս եկան. Փաշինյան․ ՏԵՍԱՆՅՈՒԹ
ՀՀ-ԵՄ համաձայնագիրը ստորագրելով՝ մրցակցային պայմաններ ենք ստեղծում բոլոր ոլորտներում. Գեղամ Բաղդասարյան
Քաղաքականություն
23.11.2017 | 17:09
Հայաստան-Եվրամիություն համաձայնագրի ստորագրումը լուրջ խթան կհանդիասանա բոլոր ոլորտներում առաջընթաց ապահովելու համար,- Factor.am-ի հետ զրույցում, անդրադառնալով ՀՀ-ԵՄ համաձայնագրի ստորգրմանը, ասաց «Հանրային օրակարգ» ՀԿ նախագահ Գեղամ Բաղդասարյանը:
Նա նշեց, որ կա զգալի տարբերություն Ուկրաինայի, Վրաստանի, Մոլդովայի հետ կնքված համաձայնագրերի և Հայաստանի հետ կնքվելիք համաձայնագրի միջև. «Մյուս համաձայնագրերում հստակ նշվում է տարածքային ամբողջականությունը, իսկ մեր պարագայում երեք հիմնական բաղադրիչներ են՝ ուժի չկիրառում, տարածքային ամբողջականություն և ազգերի ինքնորոշման իրավունք»:
Բաղդասարյանի կարծիքով քաղաքական դաշտում այժմ կա թվացյալ բազմազանություն, որը կհստակեցվի համաձայնագրի ստորագրումից և իրագործումից հետո. «Քաղաքական դաշտում առկա մենաշնորհը հանգեցնում է մենաշնորհի տնտեսական դաշտում, քաղաքական-տնտեսական մենաշնորհը հանգեցնում է մենաշնորհի տեղեկատվական դաշտում: Մենք համաձայնագիրը ստորագրելով մրցակցային պայմաններ ենք ստեղծում բոլոր ոլորտներում»:
Համաձայնագրում առկա կետերի կյանքի կոչումը Բաղդասարյանը կապում է հասարակության կամքի հետ, նա նշում է՝ եթե հանրությունը չի կարող վերահսկել իշխանության քայլերը, ոչ մի համաձայնագիր կյանքի չի կոչվի:
Մանրամասները՝ տեսանյութում:
Լիլիթ Շաբոյան
