01.07.2026 | 10:43
Փաշինյանը շնորհավորական ուղերձ է հղել Կանադայի վարչապետին
Ադրբեջանը ռազմաշունչ հռետորաբանությամբ փորձում է սեփական ժողովրդի մոտ ավելի մեծ տպավորություն գործել. Փաշինյան. ՏԵՍԱՆՅՈՒԹ
Քաղաքականություն
17.06.2020 | 17:19
Ադրբեջանի ռազմաշունչ հայտարարությունները հայտնվում են տեղապտույտի մեջ, և Ադրբեջանի իշխանությունն իր ժողովրդին խնդիր ունի բացատրելու, որ այս 15 տարիների ընթացքում այդ հայեցակարգով առաջ են գնում, ինչո՞ւ արդյունքի չեն հասնում: Այս մասին այսօր ԱԺ-ում Կառավարության հետ հարցուպատասխանի ժամանակ ասաց վարչապետ Նիկոլ Փաշինյանը՝ պատասխանելով իմքայլական պատգամավոր Տաթևիկ Հայրապետյանի հարցին։
Ըստ վարչապետի՝ Ադրբեջանն ամեն անգամ 1 աստիճանով բարձրացնելով իր ռազմատենչ հռետորաբանությունը՝ փորձում է ավելի մեծ տպավորություն գործել սեփական հանրության վրա։
«Իմ կոչը Ադրբեջանի նախագահին մնում է նույնը՝ կառուցողական մոտեցում ցուցաբերել և, ի վերջո, հրապարակային համաձայնել իմ առաջարկած բանաձևի հետ, այն է՝ Արցախի հարցի որևէ կարգավորում պետք է ընդունելի լինի Արցախի ժողովրդի, Հայաստանի ժողովրդի և Ադրբեջանի ժողովրդի համար, որովհետև ուրիշ բանաձև չկա»,- ասաց Փաշինյանը։
Մանրամասները՝ տեսանյութում։
