16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Աշխարհի պատանեկան առաջնություն․ պայքարն ու հաղթանակները շարունակվում են
22.11.2017 | 16:14
Շարունակվում է Իտալիայում ընթացող մինչև 20 տարեկան աղջիկների և տղաների աշխարհի առաջնությունը, գրում է «Chess.am»-ը:
11 տուրից 8-ն արդեն կայացել են։ Մանուէլ Պետրոսյանն ու Հայկ Մարտիրոսյանը երեկ հաղթանակներ են տոնել և համապատասխանաբար 6 և 5․5 միավորով զբաղեցնում են 9-րդ և 18-րդ տեղերը։
Տիգրան Հարությունյանը կիսել է միավորը։ Նա իր ակտիվում ունի 3․5 միավոր։
Տղաների առաջնությունում մրցաշարային աղյուսակը շարունակում է միանձնյա գլխավորել Նորվեգիայի ներկայացուցիչ Տարի Արյանը՝ 7 միավորով։
Մինչև 20 տարեկան աղջիկների մրցաշարում Ռուսաստանի և Ղազախստանի ներկայացուցիչները 6․5 միավորով կիսում են 1-2-րդ տեղերը։ Հայաստանի ներկայացուցիչ Սիրանուշ Ղուկասյանն ունի 3․5 միավոր։
Այսօր մրցաշարում տեղի կունենան 9-րդ տուրի խաղերը:
