27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Իրանում հայկական եկեղեցու հարակից տարածքում բռնկված հրդեհը մարվել է․ պատմական շինությունը չի տուժել
Քաղաքականություն
13.06.2020 | 20:29
Իրանի Համադան քաղաքի հայկական Սուրբ Մարիամ Աստվածածին եկեղեցու հարակից տարածքում բռնկված հրդեհը չի վնասել եկեղեցու պատմական շինությանը: Այս մասին գրում է տեղի «Ալիք» պարբերականը՝ վկայակոչելով ISNA գործակալությունը։
Աղբյուրի փոխանցմամբ՝ հունիսի 12-ին, ժամը 00:14-ին եկեղեցու հարակից տարածքում հրդեհի բռնկման մասին ահազանգ է ստացել Համադան քաղաքի թիվ 18 հրշեջ կայանը: Դեպքի վայր են մեկնել նույն կայանի աշխատակիցները, ինչպես նաև Համադանի կենտրոնական հրշեջ ծառայության փրկարարները, որոնց էլ հաջողվել է մեկուսացնել բռնկված հրդեհը՝ 1 ժամ տևողությամբ հրդեհաշիջման աշխատանքներից հետո:
Հրդեհաշիջման աշխատանքների սահուն իրականացումը, և դրա արդյունքում պատմական շինությանը վնասներ չհասցվելու փաստը պայմանավորված է փրկարարական թիմերի արագ արձագանքման և գործողությունների հրատապ կազմակերպման իրողությամբ:
Պատահարի հետևանքով տուժածներ չկան, իսկ պատճառը հարակից խոտածածկ տարածքներում բռնկված հրդեհն է եղել, որը տարածվել է՝ հասնելով եկեղեցու շինությանը, որի արդյունքում մասամբ այրվել է եկեղեցու ճակատային հատվածը, սակայն ոչ պատմական շինությունը:
