16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Ռուբեն Մելիքյանը և 3 քաղաքացիներ ԱԺ-ի մոտից բերման են ենթարկվել
Հասարակություն
12.06.2020 | 13:08
Քիչ առաջ ոստիկանները բերման ենթարկեցին ԱԺ-ի մոտ բողոքի ակցիա իրականացնող իրավաբաններին:
ԱԺ-ի դիմաց այսօր առավոտյան բողոքի ակցիա էր անցկացնում «Իրավական ուղի» ՀԿ համահիմնադիր Ռուբեն Մելիքյանը։ Նա ասում էր, թե միայնակ ակցիա է իրականացնում՝ պահանջելով վերադարձնել քաղաքացիների՝ խաղաղ հավաքներ անելու իրավունքը։
Քիչ անց Մելիքյանին միացան նաև այլ իրավապաշտպաններ՝ Լարիսա Ալավերդյանը, Ավետիք Իշխանյանը և այլք։
Ոստիկանները մի քանի անգամ հավաքվածներին, այդ թվում և լրագրողներին, կոչ արեցին միմյանցից հեռու կանգնել, իսկ Մելիքյանին՝ դադարեցնել հավաքը։
Ավելի ուշ ոստիկանները որոշեցին իրենց օրինական պահանջը չկատարելու համար հավաքված անձանց բերման ենթարկել՝ ի դեմս Ռուբեն Մելիքյանի։
Նա իրեն բերման ենթարկելը որակեց ապօրինություն։ Մելիքյանի հետ բերման ենթարկվեցին ևս երեք քաղաքացիներ։
Լ․Շ․
