25.11.2024 | 17:28
Ապօրինի որքան գույք ու դրամ է բռնագանձվել 2020 թ-ից մինչ օրս․ Դատախազությունը տվյալներ է հրապարակել
Բաց հասարակության հիմնադրամներ-Հայաստանն աջակցում է ՀՀ-ի հոգեբուժական հաստատություններում ԿՈՎԻԴ-19-ի կանխարգելման ու անվտանգության ամրապնդման աշխատանքներին
Հասարակություն
10.06.2020 | 16:45
Բաց հասարակության հիմնադրամներ-Հայաստանը հաղորդագրություն է տարածել, որում ասվում է.
«ԿՈՎԻԴ-19 համավարակի հնարավոր տարածումը փակ կամ կիսափակ հաստատություններում կարող է անդառնալի հետևանքներ ունենալ այդ հաստատություններում գտնվող անձանց կյանքի ու առողջության համար: Ուստի այս հաստատություններում վարակի կանխարգելման ու անվտանգության ամենախիստ միջոցառումների իրականացումը հրատապ խնդիր է:
Բաց հասարակության հիմնադրամներ-Հայաստանն աջակցում է երկրի հոգեբուժական հաստատություններում ԿՈՎԻԴ-19-ի կանխարգելման ու անվտանգության ամրապնդման աշխատանքներին: Հիմնադրամի աջակցությամբ «Ամբրա» հոգեկան բարեկեցության կենտրոնը մշակել է հոգեբուժական հաստատություններում վարակի կանխարգելման և վերահսկման գործողությունների ծրագիր, որի պատշաճ իրականացման համար հոգեբուժական հաստատությունների բուժանձնակազմը անցնում է վարակի կանխարգելման ու վերահսկման վերաբերյալ վերապատրաստում և ապահովվում է անհատական պաշտպանության միջոցներով:
Հոգեբուժական հաստատություններում հանրային դիտորդական առաքելություն իրականացնող խմբի հետ համագործակցությամբ, «Ամբրա» կենտրոնը կվերահսկվի կանխարգելիչ միջոցառումների ու անվտանգության կանոնների պահմանումը բուժանձնակազմի կողմից:
Անհատական պաշտպանության միջոցներն արդեն տրամադրվել են Գյումրիի Հոգեկան առողջության կենտրոնին, Վարդենիսի նյարդահոգեբանական տուն-ինտերնատին, «Ձորակ» հոգեկան առողջության խնդիրներ ունեցող անձանց խնամքի կենտրոնին, «Ավան» հոգեկան առողջության կենտրոնին»:
