21.05.2026 | 18:19
Ձերբակալվել է գումարի դիմաց վարորդական իրավունքի վկայական խոստացած տղամարդը
Պորոշենկոյին քրգործով պաշտոնապես կասկածյալի կարգավիճակ է տրվել
Քաղաքականություն
10.06.2020 | 14:20
Ուկրաինայի նախկին նախագահ Պյոտր Պորոշենկոյին հարուցված քրգործով պաշտոնապես կասկածյալի կարգավիճակ է տրվել։ Այս մասին գրում է ՌԻԱ Նովոստին։
Հետաքննությունների պետական բյուրոյից հաղորդել են, որ խոսքը Արտաքին հետախուզության ծառայության ղեկավարին «անօրինական հրահանգ տալու» գործի մասին է։
Գերատեսչությունը Պորոշենկոյի նկատմամբ խափանման միջոց կիրառելու վերաբերյալ միջորդություն է պատրաստում։
Նշենք, որ անցյալ տարվա գարնանը կայացած նախագահական ընտրություններում պարտությունից հետո Պորոշենկոն ավելի քան մեկ տասնյակ քրեական գործերի ֆիգուրանտ է դարձել: Նախկին նախագահը, մասնավորապես, կասկածվում է պետական դավաճանության, պաշտոնական դիրքի չարաշահման, հանցավոր եկամուտների օրինականացման, հարկերի չվճարման, դատական իշխանության յուրացման փորձի մեջ:
