20.07.2026 | 21:28
AliExpress-ը տուգանվել է 550 միլիոն եվրոյով՝ կեղծված և վտանգավոր ապրանքների վաճառքի համար
Կխնդրեի՝ մի հատ էլ նայեիք վարչապետի տեսանյութը․ օդում մեղադրանքներ հնչեցնելը ճիշտ չէ․ պատգամավոր
Հասարակություն
09.06.2020 | 12:03
Օդում մեղադրանքներ հնչեցնելը ճիշտ չէ, նման պնդումներից առաջ ևս մեկ անգամ պետք է նայել վարչապետ Նիկոլ Փաշինյանի տեսանյութը։ Նման կերպ արձագանքեց «Իմ քայլը» խմբակցության պատգամավոր Մարիա Կարապետյանը ԱԺ մարդու իրավունքների պաշտպանության և հանրային հարցերի հանձնաժողովի նիստում «Բարգավաճ Հայաստան» խմբակցության պատգամավոր Նաիրա Զոհրաբյանի հարցադրմանը։
Զոհրաբյանը, դիմելով ՄԻՊ-ին, հետաքրքրվել էր՝ արդյո՞ք մարդու կյանքի իրավունքը չի խախտվում և քրեական վարույթ իրականացնելու կարիք չկա, եթե վարչապետն անձամբ է հայտարարել, որ 2 մարդ մահացել է կորոնավիրուսից, քանի որ նրանց հնարավոր չի եղել տեղավորել վերակենդանացման բաժանմունքում։
«Վարչապետի ելույթից Դուք ցիտում եք այն պահը, որ մենք բավականաչափ մահճակալներ չենք ունեցել այդ երկու քաղաքացիներին հոսպիտալացնելու համար, սակայն կխնդրեի, որպեսզի մի հատ էլ նայեք էդ տեսանյութը, որովհետև վարչապետն այնտեղ մի նյուանս էլ է նշում, որ նաև կա ահազանգը ուշ տեղ հասնելու, այսինքն՝ հարազատների կողմից ուշ դիմելու հարց»,- նշեց Մարիա Կարապետյանը։
Մանրամասները՝ տեսանյութում։
