Մտահոգիչ է՝ մեր հիվանդների մոտ 25 տոկոսը վարակվել է հունիսի առաջին մեկ շաբաթվա ընթացքում․ Շիրակի մարզպետ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Շիրակի մարզում, ընդհանուր առմամբ, կորոնավիրուսի 425 դեպք է գրանցվել։ Այս մասին այսօր Շիրակի մարզպետ Տիգրան Պետրոսյանն ասաց մարզի «Հակահամաճարակային հանրային օպերատիվ շտաբի» նախաձեռնող թիմի հետ առցանց հանդիպման ժամանակ՝ ներկայացնելով Շիրակում տիրող կորոնավիրոսային իրավիճակը։

Մարզպետի խոսքով՝ 185 պացիենտ բուժվել ու դուրս է գրվել հիվանդանոցից։ Գյումրու ինֆեկցիոն հիվանդանոցում կա 71 հիվանդ, որոնցից 40-ը Շիրակի մարզի բնակիչ է։ Մեկ տասնյակից ավելի բնակիչ էլ շարունակում է բուժում ստանալ Երևանում։ Մարզի շուրջ 470 քաղաքացի ունի ինքնամեկուսացման ցուցում, որոնցից 90-ի մոտ կա հաստատված կորոնավիրուսային հիվանդություն։

Մարզպետը նաև նշեց, որ հունիսի առաջին շաբաթվա ընթացքում հիվանդների թվի աճ կա, ինչը մտահոգիչ է։

«Մտահոգիչն այն է, որ այս թվերից 100-ից ավելի հիվանդներ հունիս ամսվա առաջին մեկ շաբաթվա ընթացքում են վարակվել, երկրում ևս ունենք մեծ աճ։ Մեր մարզում էլ աճը կա, ճիշտ է, համեմատաբար երկրի աճի տեմպերին, մեզ մոտ թվերն ավելի փոքր են։ Բայց միանշանակ մտահոգիչ է, մինչև հիմա գրանցված մեր հիվանդների մոտ 25 տոկոսը հիվանդությունը ձեռք է բերել հունիս ամսվա առաջին մեկ շաբաթվա ընթացքում»,- ասաց Տիգրան Պետրոսյանը։

Նա նաև կարևորեց ստեղծված իրավիճակում մոբիլիզացիան, վերահսկողության մեխանիզմներում հանրային տարբեր դերակատարների մասնակցությունը, ինչը հնարավորություն կտա թոթափել պատկան մարմինների աշխատանքի բեռը։

«Գաղտնիք չէ, որ նույն պատկան մարմինները, որոնք զբաղվում են այս հարցով, բավական երկար են այս իրավիճակում և շատ հաճախ մեր ռեսուրսները սկսում են որոշ դեպքերում չբավարարել։ Մենք թեստերի առումով արդեն ունենք հերթի սկզբունք, մեր լաբորատորիան, երկրի լաբորատորիաները որոշակի հերթով են վերցնում։ Մյուս կողմից՝ ֆիզիկապես Ոստիկանությունը, առողջապահական համակարգն արդեն այս ռիսկերի մեջ են։ Ինչքան շատ են շփումները, այդքան ռիսկերը բարձր են Ոստիկանության, առողջապահության ոլորտի աշխատակիցների համար»,- ասաց Տիգրան Պետրոսյանը։

Շիրակի մարզպետն անդրադարձավ նաև դիմակների խնդրին՝ նշելով, որ եթե սկզբում շուկայում կար դիմակների պակաս, այժմ տեղական արտադրողներն այս խնդիրը լուծում են, գինն էլ նվազում է։ Գյումրիում, ըստ մարզպետի, կան փոքր ծավալի արտադրողներ, որոնք դիմակը 100 դրամով են վաճառում։

Տիգրան Պետրոսյանը կոչ արեց դիմակ կրել՝ դրանով նվազեցնելով վարակի տարածումը։

«Դիմակն ամենահարմար միջոցը չէ ամռան շոգին շնչելու համար, տարբեր հիվանդություն ունեցող ու չունեցող մարդկանց համար կրելու համար ամենահարմար բանը չի։ Բայց պարզ է, որ դիմակ կրելը, սոցիալական հեռավորություն պահպանելը, հաճախակի ախտահանումը՝ թե՛ ձեռքերը, թե՛ աշխատանքային մակերեսները, ըստ էության, միակ էֆեկտիվ բանաձևն է, որը հասարակությանը թույլ կտա հաղթահարել այս մեծ խնդիրը»,- ասաց Շիրակի մարզպետը։

Նա նաև հավելեց, որ այս առումով մարդկանց հետ հետևողական աշխատելու, իրազեկելու խնդիր կա։

«Խնդիր ունենք այսօր տեմպերը նվազեցնելու, որ առողջապահական համակարգը կարողանա ադեկվատ արձագանքել մարդկանց կարիքներին, և որևէ քաղաքացի չմնա առանց իր համար խիստ անհրաժեշտ առողջապահական ծառայության»,- ասաց Տիգրան Պետրոսյանը։

Էմմա Չոբանյան