02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Երևան-Սևան ճանապարհին բախվել է երեք մեքենա
Հասարակություն
08.06.2020 | 10:47
ՀՀ ԱԻՆ-ից տեղեկացնում են, որ հունիսի 8-ին, ժամը 01:02-ին Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ․ ավտոմեքենայի մեջ կան արգելափակված քաղաքացիներ։
«Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ Մ-4 ավտոճանապարհի Երևան-Սևան հատվածի 16-րդ կմ-ին բախվել են «ՎԱԶ-21010» (վարորդի տվյալները չի հաջողվել պարզել), «Ford Transit» (վարորդ՝ Գագիկ Թ․, ծնված 1986 թ.) և «Opel Astra G» (վարորդ՝ Տիգրան Հ․, ծնված 1964 թ.) մակնիշների ավտոմեքենաները:
Մինչ փրկարարների՝ կանչի վայր հասնելը տուժածներ Կարեն Գ․-ն (ծնված 1996 թ․), Գրիշա Ա․-ն (ծնված 2000 թ․) և Միքայել Գ․-ն (ծնված 1995 թ․) տեղի ուժերով դուրս են բերվել ավտոմեքենաներից և տեղափոխվել Աբովյանի ԲԿ: Փրկարարները «Opel Astra G» մակնիշի ավտոմեքենայի վարորդին ցուցաբերել են առաջին բուժօգնություն։
Փրկարարները սահմանազատել են տարածքը, հոսանքազրկել ավտոմեքենաները և փակել գազի բալոնների փականները»,- ասված է հաղորդագրությունում:
