27.08.2026 | 19:44
COP17-ի ընթացքում Երևանի քոլեջները երկու շաբաթ առկա դասեր չեն անցկացնի
ՀՀ սահմանին օրեր առաջ հետախուզվողներ են ձերբակալվել. ԱԱԾ տնօրեն. ՏԵՍԱՆՅՈՒԹ
Հասարակություն
05.06.2020 | 16:18
ԱԱԾ առանձնահատկություններից ելնելով՝ չեմ կարող ասել, թե մենք ինչ աշխատանքներ ենք տարել հետախուզության առումով, քանի որ մեր ծառայությունները տեսանելի չեն։ Ասեմ, որ եղել են խնդիրներ, և շատ խնդիրներ, որոնք հիմա լուսաբանման ենթակա չեն, լուծել ենք, և մեր աշխատանքը շարունակական է։ Այսօր Ազգային ժողովի հանձնաժողովների համատեղ նիստում 2019 թվականի պետբյուջեի կատարողականի նախնական քննարկումների ժամանակ «Լուսավոր Հայաստան» խմբակցության քարտուղար Գևորգ Գորգիսյանի հարցին ի պատասխան՝ ասաց ԱԱԾ տնօրեն Էդուարդ Մարտիրոսյանը։
«Կարող եմ վստահեցնել նաև, որ սահմանների պահպանության ուղղությամբ մենք բավականին մեծ աշխատանքներ ենք տարել, և եթե նույնիսկ փորձենք համեմատություն անցկացնել, կարող եմ նշել, որ 2018 թվականին եղել է 38 սահմանահատման դեպք, 2019-ին` 35 դեպք»,- նշեց նա՝ հավելելով, որ սա ներառում է հայ-վրացական, հայ-թուրքական և հայ-իրանական սահմանները։
2020 թվականին, ԱԱԾ տնօրենի փոխանցմամբ, սահմանախախտման 4 դեպք է արձանագրվել։
«Նաև մենք ունեցել ենք սահմանի հատվածում հետախուզվողների ձերբակալություններ, որը մի քանի օր առաջ է տեղի ունեցել»,- նշեց Էդուարդ Մարտիրոսյանը։
Մանրամասները՝ տեսանյութում։
