01.07.2026 | 12:53
Անկարայում Ֆիդանն ու ԵՄ պաշտոնյաները քննարկել են Հարավային Կովկասը․ կհամակարգեն խաղաղությանն ու բարգավաճմանը նպաստելու ջանքերը
Արթուր Վանեցյանը դատի է տվել վարչապետին և նրա խոսնակին․ հայտնի է, թե ում է մակագրվել գործը
Հասարակություն
05.06.2020 | 15:45
ԱԱԾ նախկին տնօրեն Արթուր Վանեցյանը դատական հայց է ներկայացրել վարչապետ Նիկոլ Փաշինյանի և նրա խոսնակ Մանե Գևորգյանի դեմ։ Հայցի պահանջն է զրպարտություն հանդիսացող փաստացի տվյալները հրապարակայնորեն հերքելը, դրանք հեռացնելը, հերքման տեքստը հրապարակելուն պարտավորեցնելը, պատվին և արժանապատվությանը պատճառված վնասի փոխհատուցումը։
Գործը մակագրվել է դատավոր Լիլիթ Սարգսյանին։
Հիշեցնենք, որ դատական հայց ներկայացնելու պատճառ է հանդիսացել վարչապետի խոսնակի գրառումը։ Մանե Գևորգյանը ապրիլի 29-ին ֆեյսբուքյան իր էջում, մասնավորապես, գրել էր, թե 2018թ․-ի հեղափոխությունից հետո Սերժ Սարգսյանի փեսա Միքայել Մինասյանը տարբեր ընկերություններում իր փայաբաժինները հապճեպ վաճառել է․ «Զանգեզուրի պղնձամոլիբդենային կոմբինատի Մինասյանի փայաբաժինն, օրինակ, առերևույթ պաշտոնական լիազորությունների չարաշահմամբ և կրկին կեղծ փայատերերի օգնությամբ, ձեռք է բերել ԱԱԾ նախկին տնօրեն Արթուր Վանեցյանը։ Վերջինիս հորը պատկանող ընկերությունը դարձել է նաև ԶՊՄԿ-ի բեռների խոշոր փոխադրող»։
Լիլիթ Շաբոյան
