11.02.2026 | 13:23
Անվճար ոչինչ չի լինում. Ավանեսյանը` ապահովագրության շրջանակում պալատների վճարների մասին․ ՏԵՍԱՆՅՈՒԹ
Բողոքի ցույցեր և համավարակ ԱՄՆ-ում նախագահական ընտրությունների շեմին
Քաղաքականություն
04.06.2020 | 22:48
Ութ նահանգներում և ԱՄՆ մայրաքաղաքում ամերիկացիները երեքշաբթի օրը մասնակցել են նախնական ընտրություններին: Նահանգների թվում էր նաև Փենսիլվանիան. գրում է amerikayidzayn.com-ը:
«Այս օրերին, երբ ԱՄՆ-ում շարունակվում է պայքարը համավարակի դեմ, իսկ աֆրոամերիկացի Ֆլոյդի մահից հետո սկսված զանգվածային բողոքի ցույցերն ու բախումները ոստիկանության հետ ցնցել են երկիրը, մի շարք նահանգներում անցան նախնական ընտրություններ:
Դրանցից մեկն է Փենսիլվանիա նահանգը, որը ևս չէր խուսափել վերոհիշյալ ցնցումներից: Այստեղ գործող նախագահ Թրամփին սպասում է կոշտ պայքար նոյեմբերի ընտրութունների ընթացքում:
Դեմոկրատների նախագահի թեկնածու Ջո Բայդենը, իր ելույթում խոստացել է, ընտրվելու դեքում, կկարողանա ռասսայական խտրականության այս երկարամյա ցավն ամոքել: Ոմանց համար, սակայն, գալիք ընտրությունները վերածվում են Թրամփի նախագահության հանրաքվեի:
Երկուշաբթի օրը Վաշինգտոնում Սպիտակ տան մոտ ոստիկանությունը արցունքաբեր գազ է կիրառել ցուցարարների դեմ՝ վերջիններիս հեռացնելով տարածքից՝ նախագահ Թրամփի համար դեպի վնասված եկեղեցի ճանապարհ հարթելու նպատակով:
Որոշ ոստիկաններ աջակցություն են հայտնել ցուցարարների պահանջներին, իսկ Ազգային գվարդիայի զորքերը, որոնց միջամտությունը վերահսկում են նահանգապետերը, տեղակայվեցին առնվազն 26 նահանգներում:
Շատ քաղաքներում սահմանվեց պարետային ժամ: Նախագահ Թրամփը սպառնաց օգտագործել ԱՄՆ-իզինված ուժերը՝ անկարգություններին վերջ տալու համար: Նա նաև քննադատեց ոստիկանության գործողությունները Ֆլոյդի նկատմամբ:
Բայց նախագահ Թրամփը շարունակում է մնալ քննադատության թիրախում, և Ֆլոյդի մահվան կապակցությամբ զայրույթը չի դադարում: Այս ամենը նախագահական ընտրություններին ընդառաջ»,- գրում է լրատվական գործակալությունը:
