19.04.2026 | 16:57
«Հանուն Հանրապետության» կուսակցությունը հաստատել է թեկնածուների առաջին երեսուն անունները
Շիրակը հաղթեց ու շրջանցեց Արարատին
04.06.2020 | 21:17
Ֆուտբոլի Հայաստանի բարձրագույն խմբի առաջնության 20-րդ տուրի շրջանակում քիչ առաջ ավարտվեց «Շիրակ»-«Արարատ» հանդիպումը. գրում է armsport.am-ը:
Առաջին խաղակեսը վտանգավոր պահերով հարուստ չէր: Երկրորդ խաղակեսում դրության տերը Գյումրիի թիմն էր: Բիչախչյանի սաներն ամբողջությամբ վերահսկում էին խաղադաշտը:
Խաղի 54-րդ րոպեին Ասլանյան-Կոնե-Մալաքյան եռաքայլ կոմբինացիան եզրափակեց Սոլոմոն Ուդոն՝ բացելով խաղի հաշիվը: 82-րդ րոպեին առաջնությունում իր 15-րդ գոլը խփեց Մորի Կոնեն՝ հաշիվը դարձնելով 2-0:
Այս պահին «Շիրակը» 32 միավորով 4-րդն է, իսկ «Արարատը» 31 միավորով նահանջեց 6-րդ հորիզոնական, բայց այս տուրի շրջանակում դեռ հանդիպում ունի անցկացնելու 5-րդ տեղ նահանջած «Նոան», որը հաղթանակի դեպքում կվերադառնա 4-րդ տեղ:
